Pesta Sebuyau 27- 27 Okt dikearap ulih ngangkatka nama Pasar Sebuyau

A night market scene. — DayakDaily.com file pic. // Photo: Pixabay

KUCHING: Pesta Sebuyau 2017 ke deka diatur ba Pasar Sebuyau kena 27 nyentuk 29 Oktober tu, dikearap ulih ngelaku lalu ngangkatka nama Pasar Sebuyau, pia ku Menteri Muda Jalai Tebing Pantai, Datuk Julaihi Narawi.

Ku iya, sekali tu bemacham aktiviti deka diatur nyengkaum Regatta Sebuyau.

“Penyelai Regatta Sebuyau, kitai bisi Mangkuk ‘Raja Laut’, ke alai champion deka mai pulai perais mata duit RM7,000 enggau trofi,” ku Kaban Kunsil Nengeri (ADUN) Sebuyau nya.

Iya madah munyi nya ba Aum Media ke diatur di Wisma Sumber Alam, ditu empai lama udah.

Julaihi ke mega penyanding penemu pengerami nya ngarapka ulih matak mayuh agi pesereta ke ngambi bagi ba Regatta Sebuyau nya ila.


Kelimpah ari nya ku iya, bisi sekeda aktiviti bukai baka ‘forum khas’ ke diatur kena malam 21 Oktober 2017, di Pasar Sebuyau.

Pengerami ke baka tu meri peluang ngagài orang dagang mit enggau jelan pemesai nyual sereta ngelakuka produk sida, ku iya seraya ngarapka penyampau mensia mayuh ke datai maya nya ila ngelui ari 20,000 iku berindik ari jematan Batang Sadong ke Sebuyau ti udah ulih ditengah.