KUCHING: Pekit ngaga logo Bank Pemansang Sarawak (DBOS) udah nerima sambut ke manah.
Nitihka padah sebengkah penerang ensana, bisi 756 penyereta diterima ari 402 pesereta ari serata nengeri.
“Sambut ba pekit ngaga logo nya chukup manah ke alai 756 penyereta diterima ari 402 pesereta ari serata nengeri,” ku penerang nya.
Bala akim ensanus udah milih pemenang ke alai pemutus nya udah diserah ngagai Kepala Menteri, Datuk Patinggi Abang Johari Tun Openg ngambi ngenukuka pemenang.
“Pemenang deka dipadahka Opis Kepala Menteri ba maya ti ditetap ila,” pia ku penerang nya baru.
Pekit nya diatur Opis Kepala Menteri nengah Kerejasama Unit Protokol enggau Pengerembai Kaul Nengeri (UPPAN), ditutup kena 29 September tu tadi.
