‘Perintah besai, negeri patut besaup nyaga pemerat rayat negeri tu’

Datuk Idris Buang

KUCHING, Sept 9: Kaban Kunsil Negeri (ADUN) Muara Tuang Datuk Idris Buang ngelaluka Perintah Negeri Sarawak enggau Perintah Besai besaup nyaga pekara ke dikemerat peranak negeri tu.

Ku iya, Gabungan Parti Sarawak (GPS) ke merintah Sarawak lalu Pakatan Harapan bekuasa di Putrajaya, meseti nyeliahka bida ideologi politik sida.

Idris empu besemaya, nyasi siku ADUN deka nyukung sereta bekerjasama enggau kedua-dua perintah ke pemaik rayat negeri tu.

“Kita semua patut bekerejasama ke pemaik rayat lalu anang belaya,” ku Idris lebuh bejadi Program Kembara Siswa Patriotik 2018 ke diatur Universiti Teknologi Mara (UiTM) Pampang Sarawak Institut Pendidikan Guru Kampus Tun Abdul Razak ba Sekolah Kebangsaan (SK) Pinang, Kampung Pinang.

Ku iya baru, nadai printah di dunya tu bediri atas polisi demokrasi ke manak deka ngemedis rayat iya lalu nyata perintah ke diatu ukai.perintah kukut besi.

Bekaul program ke diatur, Idris ngarapka nya ulih ngangkatka semangat patriotisme ba pesereta. — DayakDaily