BINTULU, Ogos 28: Kerajaan negeri enggau Shell Malaysia sehari tu mujur nyain Memorandum Pemereti Ati (MoU) ba atur pengawa ngintu baru sereta ngangkatka kualiti rampa menua di Sarawak.
Kepala Menteri Datuk Patinggi Abang Johari Tun Openg madah, nengah MoU nya, sebengkah komiti pengari ari Shell Malaysia enggau perintah negeri deka ditumbuh mansik pengulih ba pengawa nya.
“Shell bejalaika tanggungpengawa ke besai ngubah jemah ila ke ngembuan karbon ke baruh ngagai penguna. Tu begunaka mayuh bengkah bidang kus bepelasarka rampa menua dikena nyendiaka kuasa ke tau dikena baru baka ari mata panas, angin, sereta ngemansangka makit gis ungkup kuasa enggau perengka pengangkut,” ku iya.
Iya bejaku munyi nya ba ’Malam Gala Ulang Tahun ke-25 Shell Middle Distillate Synthesis'(SMDS) ditu malam kemari.
Abang Johari mega madah MoU nya mega deka negapka kaul timpuh panjai entara Shell enggau Sarawak ba dagang bekaul enggau kuasa. — DayakDaily
