KUALA LUMPUR, Mei 24: Perintah Pakatan Harapan (PH) komited mulaika kuasa autonomi Sarawak enggau Sabah setipak enggau Sempekat Malaysia 1963.
Ku Penyanding Penemu PH, Datuk Seri Anawar Ibrahim madahka PH komited ngereja nya.
“Kami komited negapka kuasa nya ungkup negeri nya baka mulaika kuasa ari perintah besai ti kelalu betumpu din diatu,” ku iya.
“Bala bakih aku di Sarawak enggau Sabah nemu, kami dekaka kuasa dipulai ngahai negeri sida, ukai kuasa ngaga korupsi,” ku iya baru.
Ku iya, nadai penanggul mulaika kuasa tang kami deka nentuka disiplin ngaduka belanja ditith laban ubah nya berengkah ari Kuala Lumpur tauka Putrajaya.
Anwar mega bebulaka berita selebubu ti madahka Perintah Barisan Nasional (BN) Sarawak deka begempung enggau PH, tang madahka perintah PH deka bekerjasama enggau perintah negeri.
“Nadai sapa madahka sida deka begempung. Sida udah dipilih lalu kami nerima nya diatu, sida bisi ‘mandat’, nya ke buah kami bekerjasama enggau sida,” ku iya.
Kepala Menteri Datuk Patinggi Abang Johari Tun Openg sebedau tu mega ngenadaika pekara nya. — DayakDaily
