Perintah negeri ngemendar 10 ekar tanah endur ngaga palan ngumpul produk, inkubator

Datuk Seri Fatimah Abdullah

KUCHING, Sept 11: Perintah negeri udah ngemendarka siti kandang endur ke mungkur pemesai 10 ekar di Samarahan ngambika nyadi Palan Ngumpul enggau Inkubator.

Menteri Pengelantang Pendiau Komuniti, Orang Indu, Ruamg Bilik enggau Pemansang Nembiak Mit, Datuk Seri Fatimah Abdullah madahka palan nya deka endur ngumpul produk enggau barang ari negeri tu empu baka asil pengelandik jari, kek lapis enggau produk ke bukai ngambika dibungkus lalu diengkah chap nitihka standard kualiti ti udah ditetapka.

“Kita deka meli produk ke dijual orang dagang ngambika dijual nitihka standard kualiti antarabansa, dibungkus sereta digaga chap baru ngambika sebaka enggau standard ke ditetap,” ku iya lebuh ngulu pengawa bejadi Pengerami ‘Keusahawanan Pemberdayaan’ ditu kemari.

Ba pengerami nya mega, iya madahka Kepala Menteri Sarawak, Datuk Patinggi Abang Johari Tun Openg udah ngemendarka agih belanja sama RM500,000 ngagai Opis Pemansang Orang Indu enggau Ruang Bilik Sarawak sereta Opis Raban Bansa dikena mantu raban indu ti deka ngepunka dagang sida.

Ukai mudah raban indu deka ngunjau duit dikena sida ngepunka dagang. Nengah bantu duit jali ari Perintah Ngeri Sarawk tu, nya ulih mutarka penanggul sida, ku iya.

Pom minta nginjau duit enggau penerang silik tau ditanya sereta diambi ari Opis Pemansang Orang indu enggau Ruang Bilik tauka dipinta nengah chara ‘online’, ku iya. — DayakDaily

Share this article!