KUCHING, Ogos 12: Perintah Negeri Sarawak dipinta meri tanah lot ngagai tetiap anak Sarawak ke udah bisi ruang bilik, kelebih agi di genturung pendiau asal ngambika sida ulih gaga rumah atas tanah nya.
Kaban Kunsil Negeri Jemoreng Datuk Dr Juanda Jaya madah, pemeri ke patut iya nya seekar tanah dibahagi ngagai empat ruang bilik, baka ke kala dipejalaika ba skim Kampung Gita enggau kampung Malaysia Jaya di Kuching, suba.
Ku iya, pekara nya udah beberapa kali disebut iya maya bejuraika penemu di Dewan Kunsil Negeri sebedau tu laban ku iya ini iya, tebal agi rumah ba genturung pendiau asal udah sekut laban penyampau tubuh ba ruang bilik nambah njnting taun.
“Orang Sarawak kuat beranak nambahka penyampau tubuh rayat bumi Kenyalang, siti pekara ke chukup positif,” ku iya dba sebengkah penerang kemari.
Ku iya, buqh runding nya patut ditegika semua serak rayat Sarawak, laban enti enda rebak dudi ruang bilik di Sarawak nadai rumah kediri empu laban rumah di mengeri diatu aka rega sebuah ‘istana’. — DayakDaily
