Atur perintah PH ngetu nganjung pemesai veterinar nyaup munaska rabies balat ngasaka ati

KUCHING, Ogos 12: Atur perintah Pakatan Harapan (PH) ke ngetu nganjung pemesai veterinar nyaup mutarka kes rabies di Sarawak ukai aja ngasaka ati sereta dianggap enda patut.

Perintah PH madahhka pemutus nya diambi ketegal suntuk belanja.

Ketegal nya mega Sapit Kepala Menteri Datuk Amar Douglas Uggah Embas madahka diri tekenyit sereta asa ati kemari.
Iya ke mega Chairman Komiti Mutarka Penusah Ngenyi, madahka atur nya balat ngasaka ati.

“Opis Veterinar pusat mar mantu kitai ke deka nempa Sarawak nadai agi igi penyakit nya, lalu kitai deka minta pekara nya diperatika baru,” ku iya.

Baka selama nitihka pemadah, opis nya nganjung empat iku lutur ninting bulan ke Sarawak mantu pengawa vaksin, tang diketu kenyau ari Mei. — DayakDaily