KAPIT, Mac 18: Sarawak komited mantu rayat ke nadai kereja ngiga kereja lalu tu dikeamatka nengah pemujur Opis Pengereja Pengawa (JTK) Sarawak mantu 13,374 iku orang ke ngiga kereja ba empat industri taun siti nyin tadi.
Sapit Kepala Menteri Tan Sri Dr James Masing madah, ari penyampau nya 3,733 tauka 27.9 peratus udah gawa dalam bidang ngaga, 3,398 iku (25.4 peratus) dalam sektor dagang bejual chara burung enggau renchit, 1,826 iku (13.7 peratus) dalam bidang betanam betupi lalu 1,105 iku (8.3 peratus) dalam sektor hotel enggau restoran.
Penyampau orang ke nadai kereja di Sarawak ba taun 2016 iya nya 3.3 peratus tauka 41,900 iku dibanding enggau ke nadai kereja ba renggat nasional iya nya 3.5 peratus tauka 504,100 iku, ku iya lebuh bejadi ‘Program Karnival Kerjaya’ Opis Pengereja Pengawa Sarawak di Dewan Suarah Kapit ditu kemari.
Kj iya, penyampau orang ke ngiga kereja ke berejista enggau JTK Sarawak nengah portal JobsMalaysia ba taun 2017 bisi 45,586 iku nyengkaum 13,126 iku siswazah enggau 12,460 ukai siswazah.
“Penyampau orang ke nadai kerja baruh ari 4.0 peratus tau dikumbai ‘ bisi kerja magang’, taja pia perintah deka majak mantu orang ke ngiga kerja ngulihka pengawa,” ku iya.
Lebih 24 majikan dari pelbagai industri dan enam pusat latihan menyertai karnival tersebut.
Turut hadir ialah pengarah JTK Sarawak, Jack Meredu Ko. — DayakDaily
