KPM deka ditumbuh di Kapit

Lecture. — DayakDaily.com file pic. // Photo: Pixabay

KUCHING, March 18: Majlis Amanah Rakyat (MARA) semampai merambu deka ngaga program ti ulih nambahka penemu sereta pemesai guna pelajar enggau batang kereja ba rayat Sarawak.

Tu nyengkaum muka peluang ngagai sida ngambika ngemajuka diri enggau ruang bilik.

Sapit Menteri Pemansang Menua Pesisir enggau Kandang Menua, Datuk Alexander Nanta Linggi madahka diatu MARA deka ngatur program eduBizPark tauka Education Business Park di Kapit.

“Ungkup program tu, tetiap negeri deka ngatur siti program eduBizPark. Kapit dipilih laban di Kuching enggau Samarahan udah mayuh institusi pelajar tinggi ditumbuhka.”

Kapit, ku iya, empai bisi kolej vokasional enggau institusi pengelandik.


“MARA merambu numbuhka Kolej Profesional MARA (KPM) ditu ngambi ngemudahka anak-anak di Kapit nampung pelajar dalam bidang pengelandik,” ku iya lebuh bejadi Karnival Pelajar MARA 2018 Zon Sarawak, ditu kemari.

Berebak enggau nya, iya madahka Sarawak deka bisi sebuah agi Digital Mall enda lama agi.

Lebuh ke bejaku nya, Alexander mega madahka MARA Sarawak diatu udah ngatur 55 program latih dagang dalam bemacham kluster dagang sepanjai taun 2017 ngena belanja RM957,184, sereta ngiring lebih 2,000 orang dagang.

Ungkup bantu Melanja Kontrak enggau Melanja Utai Bukai, bisi 200 penerima udah bulih nya ke alai ungkus melanja dagang bisi RM17,129.

Karnival ke diatur pengelama dua hari nya deka dikerami enggau penatai angkasawan menua Datuk Sheikh Muszaphar ke deka meri peransang ngagai bala nembiak ke bisi ngulu karnival nya ti ngiga peluang pelajar ke pemadu manah enggau kuing kereja sida jemah ila. — DayakDaily