Perintah nadai perambu nurunka rega minyak ngagai RM 1.50 seliter

Vehicle getting refueled at a petrol station. - DayakDaily.com file pic. // Photo: Pixabay

KUALA LUMPUR, Sept 12: Perintah nadai perambu nurunka rega petroleum nyentuk ngagai RM1.50 seliter, ku Sapit Menteri Wang, Datuk Amiruddin Hamzah.

Ku iya, perintah nadai perambu nya semadi meh rega minyak mata dunya turun ngagai ikas nya.

Ku iya, manifesto Pakatan Harapan ba Pengawa Bepilih Besai ke sebedau tu nadai ngerintaika perkara nya baka ke dipadah sekeda orang.

“Aku ngiga dini RM1.50 (disebut) dalam bup Pakatan Harapan, tang nadai. Enda nemu meh enti bisi sekeda nya lebuh gagit bekimpin bisi besemayaka perkara nya,” ku iya ba sesi tanya saut di Dewan Negara sehari tu.

Iya madah munyi nya nyaut tanya Senator Datuk Ng Chiang Chin sentang penyampau subsidi minyak ti dibelanja enggau perambu perintah deka nurunka rega minyak ngagai RM1.50 baka ke dipadah dalam manifesto Pakatan Harapan. — DayakDaily