KUCHING, Sept 12: Larissa Ping, 19 taun, champion Miss World Malaysia 2018 gagit deka mantu ngelakuka Sarawak ngagai renggat entarabansa.
Indu dara ke penakan Cina enggau Kenyah nya madah, iya gaga amat ati laban ulih mangku tanggungpengawa nya seraya ngemujurka aktiviti ke bekaul enggau mensia ti amat dikerindu iya.
“Sigi nyadi tanggungpengawa aku nyadi Miss World Malaysia lalu nyadi Duta Dagang Temuai ungkup Sarawak.
“Aku gaga ati laban ari mit udah ngaul diri ba pengawa mandangka main asal Sarawak,” ku iya.
Tambah Larissa, iya ngasaika tu meh maya ke engkeman iya ngena platform nya ngelaku sereta mantaika penyelai daya idup pupu bansa di Sarawak.
Kena Hari Enam nyin tadi, Larissa ngalahka 11 iku dara bajik bukai lalu nyadi Miss World Malaysia 2018 di Kuching, Sarawak.
Nengah pemujur nya iya dirasukka jumpang ke berega RM4 juta sereta mai pulai perais RM30,000. — DayakDaily
