Dikarang Chris Bishop
KUCHING, Mac 26: Perintah nengah Opis Menteri Industri Utama bebendar nguji mutarka isu orang bekebun mit di menua tu, ku Chairman DAP Sri Aman Leon Jimat Donald.
Ku iya, raban pemesai ari Opis Menteri Industri Utama udah 2 kali datai ke Sarawak, nentuka Perintah Negeri enda numbuhka kebun baru.
“Nasit Menteri Teresa Kok bisi numbuhka kompeni ti udah ngangkatka pinta bekal minyak sawit nengah inisiatif Sayangi Sawitku.
“Inisiatif Sayangi Sawitku udah dilanchar Menteri Besai Tun Mahathir (Mohamad) kena Hari Enam tu tadi,” ku Leon.
Iya mansutka jaku nya ba program begulai enggau rayat ke diatur di Rh Tr Linggi San Ugol di Sri Aman bedau lama tu tadi.
Ngenang kaul ke sama, iya madah rayat ngembuan pengirau ke sama enggau iya ketegal iya pan orang bekebun sawit di Sri Aman.
Leon, ba program nya, bisi nyuaka cek RM2,000 ari Sapit Menteri Dagang Dalam Menua enggau Pekara Bebeli Barang ngagai Tr Linggi. — DayakDaily
