Uggah nerima penemuai basa raban PKR nengeri ba opis iya kemari

Deputy Chief Minister Datuk Amar Douglas Uggah Embas

KUCHING: Sapit Kepala Menteri, Datuk Amar Douglas Uggah Embas kemari nerima penemuai basa ari raban Parti Keadilan Rakyat betuaika Kaban Kunsil Nengeri Bakelalan, Baru Bian.

Uggah ke mega Pemangku Sapit Presiden PBB nerima penemuai raban ari PKR nya ba opis iya di Wisma Bapa Malaysia, Petra Jaya.

Taja pia, nadai penerang silik dipadah sentang penemuai nya semina ke ditemu randau entara kededua piak nya mujur.

Sama bisi maya nya Menteri Muda Pemansang Tanah Adat, Datuk Roland Sagah Wee Inn; Kaban Kunsil Nengeri Batu Lintang, See Chee How; ADUN Krian, Ali Biju; Sapit Speaker Dewan Kunsil Nengeri Sarawak, Dato Gerawat Gala; Pengarah Unit Hal Ehwal Bukan Islam, Datu Dr Ngenang Janggu enggau Ketuai Majlis Adat Istiadat Sarawak, Datu Gani Ugey.