SRI AMAN: Menteri Pemansang Orang Indu, Ruang Bilik enggau Raban Bansa Datuk Seri Rohani Abdul Karim meransang apai indai beratika bala anak sida ti seruran nguna internet enggaika meda utai ti enda patut dipeda sida.
Ku iya, ketegal nguna internet ti enda diperati, udah ngujungka penanggul rama majak nyadi ba raban nembiak.
Ku Rohani, apai indai enda patut nejuka anak sida sepeneka ati meda utai ti dibantai nengah internet laban nya tau ngerusak runding sida.
Iya bejaku munyi nya lebuh bejadi ‘Program Pendidikan Keselamatan Keluarga dan Anak (PEKA)’ di Masjid Al-Hanna, Lingga ditu empai lama udah.
Ku iya, tetiap utai ti dipandang ba website tauka nengah internet tau ngerachun runding raban nembiak ti ngujungka sida lalu deka nguji pekara ke baru.
