JOHOR BAHRU, Nov 24: Perintah Johor meri insentif khas RM300,000 ngagai peranak ari Sarawak enggau Sabah dikena ngaga aktiviti nyengkaum ngepunka dagang mit dalam Bajet Johor 2018 ti dipejuraika ba Dewan Kunsil Negeri kemari.
Dalam bajet lebih ti kelapan kali bejurut kenyau ari taun 2011, Menteri Besar, Datuk Seri Mohamed Khaled Nordin madah, agih belanja nya endang ke tuju dikena sida bejalaika pemansang ekonomi sereta ngatur program sereta aktiviti nyengkaum ngepunka dagang mit.
Bajet tiberambaika leka jaku ‘Ngemansang Dekad Baru Ti Ngelantangka Ungkup Johor’ mungkur anggar asil sepenyampau RM1.504 bilion enggau anggar belanja beungkus RM1.503 bilion.
Diripot sebelum bisi 60,000 iku peranak Sarawak di negeri nya diatu. — DayakDaily
