Sarawak deka disikap ngena ekosistem digital

Kepala Menteri Datuk Patinggi Abang Johari Tun Openg

KUALA LUMPUR, Nov 24: Kepala Menteri Datuk Patinggi Abang Johari Tun Openg madah, nengah ekosistem ke setipak ti ditumbuhka, rayat Sarawak ulih neresa peluang dalam ekonomi digital.

Ku iya, kitai enda alit ati enti jemah ila nembiak sekula di Sarawak ulih ngaga aplikasyen mudah alih, enti negeri nya udah disikap ngena ekosistem digital ti meruan.

Abang Johari sebedau tu madahka perintah negeri ngungkupka agih belanja sepenyampau RM500 juta dikena ngemansangka internet bepeneras tinggi di negeri nya.

Ku iya, RM1 bilion diguna dikena ngaga mayuh agi tiang telekomunikasi sereta ngaga mayuh agi sambung fiber optik dalam timpuh dua ngagai tiga taun agi.

“Dalam timpuh dua taun, kitai deka nyambung Zon Utara, Zon Tengah enggau Zon Selatan ngena teknologi fiber optik enggau ‘cloud computer’.


“Enti proses tu udah, semua perkara ulih didigitalka. Kita deka ngunak teknologi fertigasi ti ulih sijaga ngena sensor. Tu mih Revolusi Industri Ke-4,” ku Abang Johari.

Iya bejaku munyi nya lebuh diinterbiu Agenda Khas Awani ba channel 501, Astro AWANI di Kuching malam ensana.

Ku iya, Sarawak begunaka mayuh orang ke landik dalam bidang pengelikun siber, engineering molekul enggau pengaturchara sosial. — DayakDaily