TATAU, Ogos 31: Tetiap ruang bilik ari 11 pintu Rh Panjai Sengalang, KM5 Selitut Tatau, Bintulu, udah nerima bantu RM1,000 empai lama ke udah.
Bantu ngenyit nya diberi Kaban Kunsil Kakus ke Menteri ba Opis Kepala Menteri enggau Adat Bansa Asal, Datuk John Sikie Tayai lebuh ke ngabas sida nya kena Hari Dua minggu tu tadi.
Sikie mega besemaya deka minta bantu ari perintah negeri ngambi sida kebtasah nya ulih ngepunka pengidup baru.
Dulu ari nya, Opis Pengintu Pengelantang Pendiau (JKM) udah nyuaka bantu kerusi roda ngahai Nyup Enting ti OKU enggau apai iya Enting Tedong ke bisi penanggul pengerai.
Ku pemesai JKM Bintulu, Taddy Ajin mega udah meri bantu ngagai sida ke tasah angus nya baka bantu barang ke diguna ninting hari.
“Pengudah kami nembuka proses dokumen, bantu bukai deka disedia nitihka pematu ti deka ditentuka dulu,” ku iya.
Naka ke diatu, sida ke tusah nya udah nerima bemacham bantu ari Gerempung Ukai Dikuasa Perkntah (NGO) baka Serakup Anak Tatau, Serakup Dayak Tatau enggau Serakup Main Asal Dayak Tatau. — DayakDaily
