JKKK Rh Kedeney nerima geran RM5,000 ari Harden

Datuk Francis Harden Hollis - file pic

SRI AMAN, Ogos 31: Komiti Pemansang enggau Pengelikun Genturung Pendiau (JKKK) Rh Kedeney, Kpg Beleti Undop, udah nerima geran ari perintah sepenyampau RM5,000 ari Menteri Muda Pengelantang Pendiau enggau Komuniti Sarawak, Datuk Francis Harden.

Ku Harden, iya ngarapka geren ke diberi nya dikena memanah dikena ngemansangka JKKK.

“Geran nya patut dipelanja enggau manah dikena ngemansangka JKKK,” ku Harden.

Ba awak ke sama mega ya bisi nyuaka geran ngagai Komiti Biro Indu JKKK nya sepenyampau RM3,000, ke diterima Chairperson biro nya, Kulan Asan.

Bisi datai ngagai pengerami nyuaka geran nya, kaunselor Gerunsin Nyelang, kaunselor Water Killer James Jumit, kaunselor Deniel Sawing enggau bala JKKK Rumah Kedeney ke bukai. — DayakDaily