Penyandang MP Kanowit udah lama nyendiaka diri napi PRU14

KANOWIT: Kaban Parlimen Kanowit udah lama nyendiaka diri napi PRU14.

Iya madah munyi tu lebuh dikerandau pemberita pengudah bejadi pengawa mangkung tiang sereta ngelancharka sistem tagang ungkup Gerempung Peranak Junan Pang (PJPA) di Nanga Pang Ulu Sungai Ngemah ditu.

Pengerami nya udah dipenyadi Sapit Kepala Menteri Ke mega Menteri Pemansang Infrastruktur enggau Perengka Pengangkut, Tan Sri Dr James Masing.

Ku Aaron, iya udah lama nyendiaka diri pengudah ke menang ba pengawa bepilih ke dulu ari tu.

Nengah awak nya iya meri terima kasih ngagai Masing laban sekali agi arapka iya nyadi chalun ngarika BN, PRS ba sitak nya.


Ba PRU13 Aaron udah menang enggau majoriti 3,042 undi pengudah disatup nengah tiga penyuru ari chalun (PKR)Thomas Laja Besi enggau Elisson Ludan (SWP).

Sitak parlimen Konawit mungkur dua sitak DUN iya nya Ngemah enggau Machan.