KUALA LUMPUR: Kumpulan Wang Simpanan Pekerja (KWSP) nambah 1.41 peratus ngagai 15 juta lalu penyampau orang ke mayar mega dipeda nambah 7.27 peratus ngagai RM16.52 bilion ba suku kedua 2017, ti ngujungka penyampau ke dituru manggai RM712 .04 bilion.
Ba suku kedua 2016, penyampau kaban KWSP bisi14.80 juta.
Sapit Ketuai Pemesai Eksekutif (Operasi) KWSP Datuk Mohd Naim Daruwish madah ari 15 juta iku kaban, 6.97 juta tauka 46.47 peratus nya sigi semampai mayar.
Taja pia ku iya, penyampau pengaji baru ke berejister bisi kusut ngagai 2.14 peratus tauka 14,952 dibanding enggau 15,279 iku pengaji ti berejister ba suku kedua dalam timpuh ke sama ba taun 2016, ku iya nengah sebengkah penerang empai lama.
Orang ti ngeluar duit nya ambis sekali ba Umur 60 bisi 13,957 iti peminta ke dikemendar sepenyampau RM358.67 juta, lalu ti Ngeluar ba Umur 60 Flexi bisi 27,476 peminta ti udah dikemendar enggau penyampau RM624.28 juta.
Berebak enggau nya ku iya, peminta Ngeluarka Fleksibel Umur 55 ti udah dikemendar ba suku kedua 2017 bisi kusut 50.96 peratus ngagai 44,679 dibanding 91,111 peminta ti dikemendar ba suku ke sama dalam taun 2016.
Penyampau ti dikeluar nengah skim nya bisi RM1.73 bilion dibanding RM2.70 bilion ba taun 2016. Ba suku keterubah ba taun 2017 bisi 55,925 peminta udah dikemendar ke sepenyampau RM2.21 bilion.
Peminta Ngeluar ambis ba Umur 55 suku ke diatu mega bisi kusut 25.32 peratus ngagai 41,031 (RM2.45 bilion) dibanding 54,946 peminta ti dikemendarka (RM2.69 bilion) ba timpuh ke sama taun siti nyin tadi.
Penyampau pengaji enda nitihka lalau ba suku taun nya tegap ba 1.11 peratus, ti mandangka KWSP sikar mutarka nya sereta nambahka penemu ba raban pengaji srntang pengelantang pendiau pekereja sida maya pinchin ila, ku iya.
