Penuduk Sarawak ba peresa SPM dikearap niki dua tangga

Classroom. — DayakDaily.com file pic. // Photo: Pixabay

KUCHING, Mac 16: Direktor Opis Pelajar Sarawak, Rakayah Madon pechaya penuduk Sarawak ba pemujur Sijil Pelajaran Malaysia deka niki dua tangga.

“Taja pan penuduk rasmi pemujur ba pemutus SPM 2017 empai dikeluarka tang aku pechaya nya deka niki dua tangga bepelasarka pemanah pemutus nya,” ku iya.

Dulu ari nya iya mantaika pemutus SPM 2017 renggat negeri ba Auditorium Opis Pelajar Negeri Sarawak di Petra Jaya, ke alai ku iya pemutus nya pemutus nya manah agi dibanding enggau dua negeri di Semenanjung Malaysia enggau Sabah.

Ba SPM 2016, Sarawak ba penuduk Ke-15 lalu nya udah ngirauka ati ketuai negeri nyengkaum Menteri Pelajar, Sains enggau Pansik Teknologi Datuk Seri Micheal Manyin Jawong.

Ku Rakayah, pemutus SPM 2017 mandangka penyampau chalun ke pas subjek Bahasa Malaysia enggau Sejarah ti bulih setipikit SPM udah nambah.


Ku iya, Opis Pelajar Negeri bisi strategi chara ngangkatka pemutus ba peresa perintah kelimpah udah nyapai tagit 95 peratus pengajar peranak Sarawak ngajar di negeri tu.

“Aku gaga amat ati enggau pemutus peresa UPSR, SPM negeri ti bisi namabah manah ke taun 2017 sereta deka merk besai terima kasih ke sukung perintah negeri, semua pemesai, pengajar, apai indai enggau bala nembiak ke sama mantu bulih pemujur tu,” ku iya.

Kelimpah ari nya, pemutus nembiak ba matapelajar Jaku Inggeris, Bahasa Malaysia enggau Sains mega dipeda majak manah, lalu pemujur sekula di menua pesisir dalam matapelajar Bahasa Melayu enggau Sains mega manah agi dibanding enggau sekula di mengeri.

Dulu ari nya, Rakayah mantaika bisi 24 iku chalun di Sarawak nyulut bulih A+ dalam semua matapelajar, siku bulih 12A+, lima iku bulih 11A+, 15 iku bulih 10A+ lalu 9 iku bulih 9A+.

Angel Lai An Ge ari Sekulah Sekondari Methodist Sibu bulih 12A+, Chong Min Hui ari Sekula Sekondari Chung Hua Miri bulih 11A+ lalu Cheong Kang Min, Cindy Ho Mei Jin enggau Delphina Tiong Ming Min ari Sekula Methodist Sibu bulih 11A+.

Sekula Sekondari Sains Kuching Utara nyadi sekula beprestasi tinggi enggau 2.12 GPS ditangkanka Sekula Sekondari Sains Miri (2.17 GPS) enggau Kolej Abdillah Kuching (2.49 GPS). — DayakDaily

Share this article!