KUALA LUMPUR, Ogos 17: Megapka pengulih sereta landik nguasa bemacham bansa jaku nyengkaum Jaku Arab ba bala nembiak di menua tu sebengkah ari fokus Indu Pelin Pemansang Pelajar Malaysia (PPPM) 2013-2025.
Ketuai Sektor Pemansang Profesionalisme enggau Pansik Bagi Pelajar Islam, Opis Menteri Pelajar Malaysia (KPM) Shamsul Shah Tarja madah ungkup ke tuju nya, platform ‘Pelantar Persekitaran Pembelajaran Maya’ (VLE) disediaka ngambi ngemudah bala pengajar nyendiaka kereban bantu ngajar bepelasarka teknologi pemadah enggau komunikasi (ICT).
“Diatu sekula udah bisi platform VLE, bala pengajar ulih ngena platform nya ngajar, semina isi nya belajarka Jaku Arab.
“Ari nya, pengawa ngajar enggau belajar Jaku Arab deka ngerinduka agi,” ku iya madah ngagai pemberita lebuh ke ngulu wacana Pedagogi Pengajaran Bahasa Arab Abad ke-21 ti diatur Bagi Pelajar Islam KPM nengah kerejasama ISESCO Malaysia di SMKA Falahiah Pasir Pekan, Kelantan baru-baru tu. — DayakDaily
