SIBU, Ogos 17: Mensia mayuh di Sarawak dipinta anang nunu maya hari panas enggau rangkai baka ke diatu dikena nyeliahka ari nydi penusah angus besai ke mar dirara.
Penulung Direktor Operasi Opis Pengerara Api enggau Penyah Penusah Malaysia (JBPM) Sarawak, Tiong Ling Hii madah, enggau gaya hari ke angat diatu, api deka mau jampat sereta jampat nyerarai.
“Kami ngelalau mensia mayuh ngambika anang nunu laban ba gaya hari ke angat sereta rangkai diatu, api deka jampat mau sereta dikeirauka tau nyadi penusah angus ti mar dirara.
Ku Tiong, sekumbang musim angat ke berengkah pun bulan tu, bisi 163 kes babas angus enggau tanah kerapa diriput nyadi ba kandang endur ke mungkur pemesai lebih 189 hektar.
Penyampau penusah angus ke nyadi ti diriput kemari iya nya dua kes di Petra Jaya, Batu Lintang (2), Lundu (2), Kota Samarahan (1), Sri Aman (2), Bintangor (1), Sungai Merah (4), Sibu (2), Mukah (2), Bintulu (1), Lopeng (4) enggau Miri (3). — DayakDaily
