KUCHING, Jan 24: Pengawa Sarawak ngemajuka tekat hidro bepanggai ba peminta menua jemah ila.
Sapit Kepala Menteri Datuk Amar Awang Tengah Ali Hassan madah, 14 palan tauka sungai ke tau dikemansag ari sukut ekonomi ti tau ngemansutka 8,000 MW elektrik enti dikemansangka.
“Sarawak udah mayuh beranakka puku ba kuasa tau dikena baru baka tekat ai kuasa hido nyengkaum ngambi pulai Tekkat Hidroelektrik Bakun (2,400MW) ari perintah besai nengah ungkus RM8.1 bilion,” ku iya.
Iya ke mega Menteri Pemansang Mengeri enggau Pengeraja Asal Bandar Kedua madah, kuasa ti dipansutka Sarawak ti dipegulaika diatu iya nya 75 peratus ari kuasa hidro tau dikena baru lalu 25 peratus ari gis enggau arang batu dikena ngetanka mayuh bengkah sereta ke pengelikun stok.
“Nengah pemansut ai ke mayuh enggau rega elektrik ke kompetitif, Sarawak ulih matak pemeranak puku kelebih agi dalam industri kuasa di Koridor Kuasa Tau Dikena Baru Sarawak (SCORE),” ku iya.
Ku iya baru, nengah pemansut ai ke mayuh tu, Sarawak mega bisi potensi nyadi pengeluar biofuel hidrogen. — DayakDaily
