Servis telekomunikasi enda manah, peranak Sibu asa minta penanggul diputar lengkas

A Quick Response (QR) code on a smartphone. — DayakDaily.com

SIBU, Jan 24: Peranak Sibu mantaika pengasa ati ketegal servis telekomunikasi di Jalai Salim-Stabau ke mungkur ari Nanga Salim nyentuk ke Jematan Durin tauka dikelala enggau nama Jalai Kong Yit Khim enda manah taja pan penyauh semina 15 minit pejalai ari puak pasar.

Ketuai Nembiak Parti Rakyat Bersatu Sarawak (SUPP) Bukit Assek Kaunselor Joseph Chieng madah, penanggul nya udah nyadi ba peranak salam kandang menua nya masalah lebih sepuluh taun ke udah.

Ku iya, SUPP deka ngemeratka pekara nya lalu ngiga chara mutarka penanggul nya.

“Kandang menua nya ngembuan penyampau tubuh ke mayuh sereta mega mayuh sekula, rumah panjai, genturung pendiau, pusat industri kapal, industri berat enggau bacham agi ri begunaka bungkur telekomunikasi laban servis nya beguna amat,” ku iya.

Berebak enggau nya, Chieng nguluka peranak di Jalai Salim-Stabau mengadakan niki ngagai opis Telekom Malaysia Sibu enggau Opis Suruhanjaya Komunikasi enggau Multimedia Malaysia (SKMM) Sibu ngiga chara mutarka nya seraya nyuaka surat petisyen ke disain 200 iku peranak ngagai SKMM Sibu.


Siti salin petisyen nya mega dianjung ngagai Kepala Menteri Datuk Patinggi Abang Johari Tun Abang Openg ngambika penanggul nya diputar lengkas. — DayakDaily