Pengingin Larry deka bediri ba Julau enda masuk akal — Masing

Sign outside polling station. — DayakDaily.com file pic. // Photo: Pixabay

KUCHING, Jan 24: Presiden Parti Rakyat Sarawak (PRS) Tan Sri Datuk Amar Dr James Jemut Masing madahka ulah ex-Menteri Muda, Larry Sng ti madahka diri deka bediri minta pilih ba Parlimen Julau ke mega kerusi asal PRS maya PRU14 tu ila, enda masuk akal.

Ku iya, kerusi Parlimen Julau endang kerusi asal PRS tambah megq Larry Sng ukai kaban PRS.

Larry Sng yang ke mega ex- Kaban Kunsil bekas Negeri (ADUN) Pelagus madahka diri bisi ati deka bediri minta pilih ba sitak nya enti diberi peluang, pia ku iya madah ba Facebook iya ensana.

Ku Masing, taja pan suba apai Larry iya nya Sng Chee Hua udah dipilih pengundi Iban ba sitaknya tang nya siti penyilap laban peranak menua nya enda ngelala iya lalu ngundi iya nyentuk ke iya menang.

Diatu pengundi di Julau udah nemu pemujur anak iya ke kala nyadi pengari rayat di DUN Pelagus lalu sepanjai timpuh Sng nyadi pengari rayat di sitak nya.

Masing mega madah bala pengundi agi saru enggau pengulih iya nyadi pengari rayat lalu PRS mega enggaika Parlimen Julau dikuasa sida. — DayakDaily