KUCHING, Dis 3: Pengawa ngaga projek Pan Borneo Highway Sarawak lanchar dipejalaika ke mungkur semua 11 pakej ke dipenyadi nyentuk Sept 25 tu tadi. Menteri Muda Jalai Tebing Pantai negeri, Datuk Julaihi Narawi madah tau dipadah semua kereja ngaga projek PBH nya ngemuaska ati diatu.
Ku iya, semua pakej kereja dipejalaika nya dulu ari timpuh kelimpah ari dua pakej ke bisi laun mimit. “Pakej ke bisi laun iya nya ari Serian ke Simpang Pantu ti lubah 2.25 peratus ari timpuh kereja ketegal bisi kurang pengereja pengereja pengawa enggau injin,” ku iya lebuh nyaut tanya Chiew Chiu Sing (DAP-Tanjong Batu) ba Aum Kunsil Negeri (DUN) Sarawak empai lama udah.
Chiu Sing betanya sentang pemansang Projek Pan Borneo Sarawak. Ku iya baru, siti agi pakej iya nya Batang Skrang ke Sungai Awik iya nya 0.5 peratus nitihka timpuh ketegal penanggul ngaduka piling jematan.
Sentang projek keterubah ba kandang Nyabau ke Simpang Bakun ti patut tembu kena 29 Oktober sebedau tu, iya madahka projek nya udah diberi dua kali dilanjar ketegal bisi penanggul.
“Ba keterubah nagit nya tembu kena 20 Ogos taun baru tang diatu pengawa ngaga nya dipejalaika nitihka timpuh ke ditetap,” ku iya. Ku Julaihi, nitihka sempekat Kaban Projek Bejalaika Pengawa (PDP), semua projek Pan Borneo Sarawak deka ditembu kena 30 Jun 2021. — DayakDaily
