Kemisi sekula Gawai Dayak 2018, Mei 28-Jun 3

Education, Science and Technological Research Minister Datuk Seri Michael Manyin Jawong

SERIAN, Dis 3: Opis Menteri Pelajar Malaysia(KPM) setuju pemisi sekula tengah taun Sarawak deka berengkah Mei 28 nyentuk ngagai Jun 3, 2018.

Menteri Pelajar, Sains enggau Pansik Teknologi Dato Sri Michael madah surat pemendar sentang pekara nya udah diterima kena Nov 28 tu tadi.

Iya nambah, Sarawak mega ulih minta pemisi tambah berengkah Jun 4 nyentuk Jun 8 ke alai timpuh 5 hari besekula nya tau diganti ba maya bukai.

“KPM udah meri pemendar sekula di Sarawak pemisi berengkah Mei 28 nyentuk Jun 3 lalu tau ngambi pemisi tambah berengkah Jun 4 ngagai Jun 8.

“Enggau nya, kitai di Sarawak deka kemisi panjai nyentuk Jun 24 ketegal berengkah Jun 9 ngagai Jun 23 sigi udah ditetap pemisi,” ku iya.


Manyin mansutka jaku nya ba aum pengarang berita di Serian kemari pengudah ngulu sebengkah pengerami.

Enggau pemutus nya ku Manyin, isu nadai pemisi maya Hari Gawai ke balat ngasuh rayat enda lantang udah diputar.

Kitai deka kemisi panjai maya nya ila lalu nadai isu agi sentang pekara tu, tandu Manyin. — DayakDaily