KUALA LUMPUR, April 11: Pengaji dipinta ngemendarka bala pekereja bejalaika hak nyadi peranak menua nurun ngundi maya Pengawa Bepiilih Besai ke-14 (PRU14), Mei 9 tu kena Hari Tiga, pia ku Menteri Pengatur Pengereja Pengawa Datuk Seri Richard Riot Jaem.
“Pengaji meseti ngelepaska pekereja (pansut ngundi). Sida meseti diberi peluang,” ku iya.
Tu setipak enggau Akta Penyalah Pengawa Bepilih Beaai 1954 ti dekaka pengaji meri siti timpuh ngagai pekereja keluar ngundi.
Ari baruh Seksyen 25(3) Akta Penyalah Pengawa Bepilih Besai 1954 mega, pengaji ke nagang pekereja keluar ngundi sehari nya tau diukum lebih RM5,000 tauka dijil setaun enti amat ditemu salah.
Chairman Komiti Pengawa Bepiilih (SPR) Tan Sri Mohd Hashim Abdullah kemari madhka maya hari muai undi ba PRU14 kena Mei 9, haribulan ngantung nama chalun kena 28 April, lalu haribulan muai undi kena Mei 5.
Nyebut pasal haribulan muai undi nya, Riot madahka SPR tentu bisi kebuah diri empu milih haribulan nya.
Berebak enggau nya, Mandal Presiden Gempung Pengaji Malaysia (MEF) A Ramadass madahka hari muai undi kena Hari Tiga nya nadai merj penanggul ngagai bala pengaji nyengkaum nanggul operasi kompeni.
Ku iya dikena bebasaka hak rayat Malaysia, pengaji deka meri awak ngelepaska pekereja ngambi bejalaika tanggungpengawa sida.
“Nya udah diterima nyadi siti pekara ke patt laban kala dikereja sebedau tu (ngundi maya hari bekereja). Tambah mega nya semina begunaka beberapa jam aja mansang ngundi, udah nya mulaika diri ngagai endur kereja baru,” ku iya.
Taja pia, ngahai sida ti ngundi ba negeri bukai ke uka negeri endur sida bekereja, Ramadass madahka sida nya patut minta kemisi pulai ngundi ba sitak sida.
Ngundi maya hari bekereja ukai pekara ke baru taja pan udah suah baka nya. PRU keterubah diatur kena Ogos 19, 1959 iya nya Hari Tiga, lalu PRU keenam ba taun 1982 udah diatur kena Hari Empat, April 22.
PRU kesemilan enggau PRU10 mega kena Hari Satu sebaka enggau April 25 taun 1995 enggau Nov 29 taun 1999. — DayakDaily
