SADONG JAYA, Jun 12: Kepala Menteri Sarawak sekali agi mutarka penanggul suntuk ai ke nyadi ba kandang Kota Samarahan nyentuk ke Sebuyau.
Datuk Patinggi Abang Johari Tun Openg kemari udah ngemendarka ungkup belanja sepenyampau RM150 juta dikena masang paip ai baru di kandang menua nya ke patut tembu dalam timpuh 18 bulan.
Penanggul suntuk ai ke nyadi kenyau beberapa bulan ke udah, nyadi majak balat kenyau ari bulan siti nyin tadi.
Bisi mega nyadi sekeda penanggul pengerusak enggau paip pechah, ti ngujungka peranak ba kandang menua putus bekal ai.
Dikena mutarka penanggul ai di Asajaya, Sadong Jaya enggau Sebangan, Opis Bekal Ai Menua Pesisir Sarawak udah minta kereja.nya dipejalaika enggau naka pengelengkas.
“Batang paip deka disambung atas tanah di sepanjai jalai enggau jematan ke Sebuyau, ngambika kami ulih nyidi sebarang pengerusak nyema bisi penanggul bekal ai, ku iya pengudah mendingka penerang di Sekolah Pesantren Abdul Taib Mahmud ditu.
Ku iya, pelngawa ngaga nya deka dibagi ngagai beberapa pakej sereta deka digaga sereta ngambika ulih jampat tembu.
Sama bisi enggau kemari Menteri Utiliti Sarawak, Datuk Seri Stephen Rundi Utom. — DayakDaily
