Penanggul kelas dedat, ngenegap Jaku Inggeris patut dikemerat

DayakDaily.com file pic. // Photo: Pixabay

KUCHING: Menteri Muda Utiliti (Elekterik Menua Pesisir), Dr Abdul Rahman Junaidi madah,penanggul nembiak ti kelalu dedat dalam sesebuah kelas patut diputar,ngambi pulaika pengelantang nembiak lebuh belajar.

Ku iya,pekara nya patut dikemerat ngambika ulih nyaup ngenegapka sistem pelajar kelimpah ari ngangkatka prestasi pelajar.

“Penanggul nembiak ti kelalu dedat dalam sesebuah kelas patut diputar ngambika pulaika pemaik ngagai environmen maya proses ngajar enggau belajar,” ku iya.

Iya mega madah,atur ngenegapka jaku Inggeris ngena modul ke bisi diatu pekara ti deka dikemerat kelimpah ari mai bala pakar ari universiti ngambika besaup ngemujur juluk nya.

“Perkara ngenegapka jaku Inggeris nya mega deka dikemerat lalu ulih dikemujur nengah bantu bala pakar universiti,” ku iya.

Ba aum nya mega sida bisi ngenang pasal deka ngemayuhka sistem pelajar awakka setipak enggau polisi pelajar baru.

ADUN Pantai Damai bejaku munyi nya pengudah nyadi chairman aum enggau sekula- sekula DUN Pantai Damai, ba opis iya ditu pagi tadi.

Aum nya udah digulu pengari ari 17 buah sekula.