Pemutus PRN Sabah nadai kaul enggau Sarawak, Ku Abang Johari

Abang Johari delivering his speech during the leaders-meet-the-people event at Kampung Punang Lama today (Sept 28, 2020). Photo Credit: Sarawak Public Communications Unit (UKAS).

Dikarang Chris Bishop

KUCHING, 30 SEPTEMBER: Kepala Menteri Datuk Patinggi Abang Johari Tun Openg madah Sarawak nadai kaul enggau pemutus Pengawa Bepilih Besai Negeri(PRN) di Sabah.

Nambahka nya ku iya, nadai mega pekara ke tau dipelajar Perintah Gabungan Parti Sarawak(GPS) ari pemutusnya.

“Sabah nadai kaul enggau kitai, alai kitai mega enda berandauka sentang Anwar(Presiden PKR Datuk Seri Anwar Ibrahim),’ku iya.

Iya mansutka jaku nya lebuh dirandau pemberita pengudah bejadi Usahawan Mikro Kebajikan(UMK) 2020 di siti hotel ditu, seharitu.


Pagi tadi(30 Sept), Abang Johari bisi ngadu aum begulai enggau raban MP enggau ADUN Sarawak di Bangunan Dewan Undangan Negeri(DUN).

Nitihka sumber, ba aum nya Abang Johari bisi ngelalau semua ADUN nyengkaum MP ngambika nyikap diri enggau manah ketegal PRN deka diadu enda lama agi.

Abang Johari ngelalau sida(ADUN) nentuka semua projek tembu tauka dipejalai enggau lanchar kelimpah ti suah agi betemu enggau rakyat di kawasan diri.-DayakDaily