PUTRAJAYA, Julai 12: Pemutus meri elawin khas RM200 sebulan ngagai tetiap ku pemesai enggau raban Opis Bomba enggau Penyelamat deka ditemu ujung bulan tu, ku Menteri Pengawa Berumah enggau Kaunsil Kandang Menua, Zuraida Kamaruddin.
Ku iya, siti keretas kereja bekaul pekara nya udah dipejurai ba aum Kabinet lalu sida agi nganti pemutus ari Opis Menteri Wang.
Ku iya, dipelabaka elawin kritikal nya deka dikemendarka laban nadai meri empas ba belanja tambah ngagai Opis Menteri Pengawa Berumah enggau Kaunsil Kandang Menua (KPKT).
“Ba aku pengelandik (KPKT) ngaduka belanja ngujungka kitai ulih ngungkupka elawin ngagai raba bomba. Pekara tu agi ba renggat dikerandau lalu deka ditetapka ujung bulan tu,” ku iya pengudah nerima anugerah dipebasa Sapit Kanan Pesuruhjaya Bomba ari Ketuai Direktor Opis Bomba enggau Penyelamat Malaysia (JBPM) Mohammad Hamdan Wahid ditu kemari.
Elawin khas RM200 datai ari buah penemu ex-Menteri Pengelantang Bandar, Pengawa Berumah enggau Kaunsil Kandang Menua Tan Sri Noh Omar kena 21 Mac suba dikena ngakun kereja tim bomba enggau penyelamat mutarka penusah ti ngeletakka ejensi nya setanding ejensi penerit adat bukai. — DayakDaily
