Pemisi Jalai Pasi ke Sibu-Tg Manis ulih ngangkatka ekonomi dalam kandang Sarikei

Dato Sri Huang Tiong Sii

SARIKEI, Mei 3: Chalun Barisan Nasional (BN) P.208 Sarikei Dato’ Sri Huang Tiong Sii mantaika pengaga ati iya ketegal Kepala Menteri Datuk Patinggi Abang Johari Tun Openg madahka diri deka ngaga Jalai Pasi ke Sibu-Tanjong Manis.

Ku iya, nengah projek ngaga jalai nya ila ulih nyaup ngangkatka ekonomi ba kandang menua Sarikei enggau pasar ke besemak.

Iya ke mega Kaban Kunsil Negeri (ADUN) N.45 Repok minta semua pupu bansa ngenanka penyerakup ke udah bisi diatu.

Nyebut pasal Sekula Cina, Huang bedanji deka ngemajuka Sekula Cina ke bisi di Sarikei.

Ku iya, nya dikena nentuka semua perambu ulih dipejalai, nya kebuah rayat patut meri sukung penuh ngagai chalun BN maya hari muai undi kena Mei 9 ila.


Iya bejaku munyi nya ba Program ‘Meet And Greet’ di Sungai Pantu ditu kemari. — DayakDaily