KUCHING, Mac 10: Pelajar nyadi pekara ke beguna amat dikena ngerembaika proses pemansang sesebuah menua enggau negeri.
Ku TYT Sarawak Tun Pehin Sri Abdul Taib Mahmud, kurikulum patut semampai dikemanah sereta ditegap ngambika seriris enggau pemansang teknologi sereta guna ke diatu.
“Ke beguna amat enti pelajar ti dikemansangka nya ngempung elemen enggau gaya pengidup Timur enggau Barat.
“Nya deka nempa pengelandik berunding tikas tinggi ba raban nembiak.”
Ku Taib, iya deka nyadi orang ke pemadu gaga ati enti bisi bala nembiak landik ba empat bengkah jaku iya nya Jaku Inggeris, Jaku Mandarin, Bahasa Melayu enggau Jaku Sepanyol.
“Pengelandik nguasa mayuh bengkah jaku matak pengerindu ngahai nembiak ngambika ulih gawa sereta bejalaika pengawa ba lebih 70 peratus buah menua di dunya.
“Aku ngarapka program tu mujur lalu nerima sambut ke manah ari rayat di negeri tu,” ku iya lebuh ngulu pengeri Ngelancharka Pengawa Ngaga Sekula Antarabangsa Tunku Putra-HELP ditu.
Sekula nya digaga Cahaya Mata Sarawak Berhad, Ibraco Berhad enggau HELP Education Group ti deka disikap enggau envorimen kondusif ke pengelantang nembiak.
Sekula nya dijangka ngepunkasesi ngambi nembiak keterubah ba bulan Januari 2020. — DayakDaily
