PDP deka ngenanka 4 kerusi parlimen ti diungkup ngagai parti nya

Datuk Seri Tiong King Sing

KUCHING, Nov 15: Empat kerusi Parlimen ti diungkup ngagai parti nya deka ditan ba Pengawa Bepilih Besai Ke-14 (PRU14) tu ila, pia ku Presiden Parti Progresif (PDP) Datuk Seri Tiong King Sing.

Kelimpah Bintulu ti dipegai Presiden PDP, Datuk Seri Tiong King Sing, tiga agi kerusi Parlimen ke diempu parti nya sebedau tu iya nya Baram (Anyi Ngau), Mas Gading (Datuk Anthony Nogeh Gumbek) enggau Saratok (Tan Sri William Mawan Ikom).

Taja pia, Mawan ke ex-Presiden SPDP pansut ari parti nya lalu numbuhka Parti Tenaga Rakyat Sarawak (TERAS).

Tiong pechaya keempat-empat kerusi parti nya deka ditanka ba PRU14 ti disadang diatur taun baru.

Taja pia Tiong meri kelai ti nyata ke alai Mawan enda agi ngenanka Parlimen Saratok ke disandang iya diatu.


Iya madah munyi nya pengudah pengerami Ngelanchar Nama enggau Logo PDP, ditu empai lama ke digulu Sapit Kepala Menteri, Datuk Amar Douglas Uggah Embas ngarika Ketua Menteri, Datuk Patinggi Abang Johari Abang Openg ti mega Chairman Barisan Nasional (BN) Sarawak. — DayakDaily

Share this article!