Ekonomi digital deka meri pemaik ngagai negeri, rayat S’wak

Sarawak Legislative Assembly Sitting, November 2017

KUCHING, Nov 15: Kaban Kunsil Negeri (ADUN) Bukit Goram Jefferson Jamit Unyat madahka teknologi pemadah enggau penyambung (ICT) diatu nguasa dunya, beduduk ari nya pengawa nempa Sarawak sebaka enggau menua maju baka Amerika Syarikat, Jepun enggau Eropah, praktikal sereta singkang ke betul.

Jamit muji inisiatif enggau visi Kepala Menteri Sarawak Datuk Patinggi Abang Johari Tun Openg ti bejalaika ekonomi digital enggau teknologi bechuntoka pemujur e-perintah Estonia.

Lebuh bejuraika Rang Undang-Undang Perbekalan 2018 ba aum DUN kena Hari Satu tu tadi, Jamit madahka pelin ekonomi digital tentu deka meri pemaik ngagai negeri enggau rayat Sarawak jemah.

Lebuh ke ngenang pasal Bajet Sarawak 2018, Jamit meda perintah negeri ari baruh iring Abang Johari serius ngangkatka tikad pengidup rayat kelebih agi nengah mayuh bengkah projek menua pesisirti dipejalaika.

Ba iya, bajet nya ulih nyukung juluk perintah ngangkatka pengulih teknologi digital nengah agih belanja RM1 bilion ke perengka guna ungkup inisiatif Ekonomi Digital Sarawak.


Semua tu endang ke tuju ngmujurka pelin Smart Sarawak.

Jamit mega nyambut manah pengawa perintah negeri mantu pekebun mit enggau orang bumai nengah agih belanja RM223 juta dikena ngemujur mayuh bengkah projek dalam Bajet 2018. — DayakDaily

Share this article!