PBDSB agi nganti BNBBC nimbal pasal ngatur forum begulai

PBDS Baru (PBDSB) Youth Chief Rapelson Richard Hamit.

KUCHING, Jan 1: Parti Bansa Dayak Sarawak Baru (PBDSB) agi nganti respon Kelab Penyukung Barisan Nasional (BNBBC) Sarawak ngulu forum sentang isu-isu ti bekaul enggau polisi perintah BN Sarawak.

“Kami nadai menerima sebarang timbal ari (Chairman BNBBC) Paulus Palu Gumbang,

“Tu ketiga kami mai iya ngatur forum tu” ku Ketuai Nembiak PBDSB Rapelson Hamit.

Tu berindik ari penerang lBNBBC Sarawak ke nyukung pemutus BN negeri ti enda nerima mosyen ngubah Seksyen 5 Undang-Undang Tanah Sarawak ti dipejurai ADUN Ba’Kelalan Baru Bian maya aum Kunsil Negeri Sarawak bulan siti nyin tadi.

“Kami mai BNBBC Sarawak betemu mua ngatur forum nya ngambika semua rayat Sarawak sama nemu pekara ke amat enggau resolusi mutarka penanggul nya,” ku Rapelson.


Ku iya madah nengah forum isu-isu baka Sempekat Malaysia 1963 (MA63), Jabatan Perkhidmatan Awam (JPA), sekula tuai enggau bida fiskal penatai pemisi peranak menua pesisir ulih sama dikerandau. — DayakDaily