KUCHING, Dis 5: Pemangku Sapit Presiden Parti Pesaka Bumiputera Bersatu (PBB) Datuk Amar Douglas Uggah deka nentuka Presiden PBB ke mega Kepala Menteri Datuk Patinggi Abang Johari Tun Openg menang darat ba pengawa bepilih parti ti deka datai tu ila.
Lebuh ke bejaku Aum Pengari PBB N37 Bukit Saban, Uggah ke mega Sapit Kepala Menteri madahka Bukit Saban sedia mantaika langgur penemu ngambika penuduk nyadi Presiden PBB enda dipekitka.
“Pampang PBB Bukit Saban deka mantaika langgur penemu ngambika penuduk nyadi Presiden PBB enda dipekitka,” ku Uggah
Ku Uggah, iya dekaka PBB seruran nyadi parti politik ti pemadu kering di Malaysia sereta nadai penyerekang penemu enggau pangan diri.
Uggah mega dekaka PBB majak kering ngambika ulih mai pemansang ngagai rayat seraya madahka parti nya ke pemadu bedisiplin sereta fokus ngagai pekara dikedekaka rayat. — DayakDaily
