KUCHING, Nov 21: Ketuai Komiti Nagang Pengawa Makai Suap Malaysia (SPRM), Tan Sri Dzulkifli Ahmad empai lama udah, madahka bisi sekeda parti politik udah nganjung rintai nama chalun ungkup Pengawa Bepilih Besai (PRU14) ke-14 ngagai sida ngambika disarap sereta diperesa.
Pengawa nyarap sereta beratika usul sida dikena nentuka chalun nya amat beresi sereta bisi integriti.
“Kami udah bisi nerima lalu kami mantu nyarap sida tu.
“Kami semina bejalaika nya ba sida ke minta kami metesa lalu nentuka chalun nya beresi ari makai suap sereta salah nguna kuasa,” ku iya lebuh ba program Gerakan Revolusi Anti Rasuah (Gerah) ba Waterfront Kuching, empai lama udah.
Iya mega madah, sida nadai mejal ba pekara tu tang dipejalaika atas pinta parti ke deka betanding.
Tuju tu dikena mandang ngagai rayat ke ngambika sesiku ti deka dichalunka nya beresi ari isu makai suap enggau salah nguna kuasa, seraya madahka nya tepulai ngagai parti ke deka betanding, ku iya. — DayakDaily
