Orang dagang Dayak diperansang ngaul diri ba dagang ekonomi digital

Digital transactions. — DayakDaily.com file pic // Photo: Pixabay

MIRI, Mei 9: Nyauka semua pengawa ke digaga diatu nguna rusan digital, nya alai pedagang enggau raban orang dagang enda ulih nyeliahka diri ari bisi kaul enggau teknologi digital moden.

Menteri Muda Dagang Temuai, Art enggau Daya Idup Datuk Lee Kim Shin madah, nya nyengkaum raban bansa Dayak ti enda ulih nyeliahka diri ari nguna teknologi ekonomi digital.

Bejaku bejadika pengerami Nganchau Tikai Gawai Dayak Bazar (GDB) 2018 ke diatur Gerempung Gagasan Anak Dayak Sarawak (GADS) ujung minggu nyin tadi, Lee mantaika perambu ngambika orang dagang Dayak numbuhka aplikasi dikena ngelaku produk tauka servis sida ngagai makit ke besai agi nyengkaum renggat entarabansa.

GDB 2018 ti brambaika leka jaku “Penegap Ekonomi Dayak” diatur 2-26 Mei, ke mungkur 45 palqn nyuql bemacham pemakai asal Dayak kelimpah asil pengelandik jari, gari enggau ngepan asal.

Lee meransang orang dagang Dayak ngambika kreatif agi sereta ngembuan pengelamdik nengkebang ngaul diri besemekih ba dunya dagang ekonomi digital nyentuk ke renggat global. — DayakDaily


Share this article!