8,253 palan ngundi di serata menua dibuka pukul 8 pagi tu

Choice. — DayakDaily.com file pic. //Photo: Pixabay

Follow and subscribe to DayakDaily on Telegram for faster news updates.


KUALA LUMPUR, Mei 9: Proses ngundi ba Pengawa Bepilih Besai Ke-14 (PRU14) berengkah sehari tu ke alai 8,253 palan ngundi dibuka sereta di serata menua berengkah pukul 8 pagi.

Komiti Pengawa Bepilih (SPR) nyendiaka 28,115 endur baka di ngundi bangunan sekolah, dewan mayuhguna enggau balai raya.

Bisi 14,449,200 iku ari semua penyampau 14,940,624 pengundi berejista deka ngundi berengkah pukul 8 pagi nyentuk 5 lemai tu.


Lalu pengundi ke bukai nya pengundi ke enda ulih ngundi di menua tasik, pengundi pos enggau pengundi tumu.

Proses ngundi dikena nentuka perontah ti ngiring menua ungkup timpuh lima taun ke deka datai nya mungkur 222 kerusi Parlimen enggau 505 kerusi Kunsil Negeri (DUN).

Bisi 2,333 iku chalun ti ngarika mayuh bengkah parti nyengkaum Barisan Nasional enggau PKR ke berebutka kerusi Parlimen enggau DUN maya pengawa bepilih besai nya.

SPR melabaka peratus pengundi keluar ngundi ba PRU14 iya nya 85 peratus lalu pemutus deka dibantai abis tumu pukul 9 malam tu.

Ba hari ngantung nama chalun, BN udah menang darat ba kerusi DUN Rantau di Negeri Sembilan nemgah Datuk Seri Mohamad Hassan. — DayakDaily