Nurul Izzah komited deka nginsil PPPA

Nurul Izzah Anwar (photo sourced from www.nurulizzah.com)
IBRACO WEBSITEI

KUALA LUMPUR, Mei 11: Kaban Parlimen Permatang Pauh Nurul Izzah Anwar nandu komitmen iya deka nginsil Akta Mesin Cetak dan Penerbitan (PPPA) 1984 lalu numbuhka kaunsil media dikena nentuka pengelurus sereta nadai tatak media di Malaysia.

Nurul Izzah, ke mega mandal presiden PKR madah, iya udah nyendiaka rang undang-undang ke tuju nya dalam taun 2010 lalu deka minta nya dipejuraika baru di Parlimen ba awak ke semak.

“Kitai bejaku sentang era baru ke alai kitai ngerami pekara ke amat lalu kita dikemendar mejah enggau pengelurus ti pulaika pemaik pemansang menua ,” ku iya madah ngagai pemberita di luar bangunan Yayasan Al-Bukhary sehari tu, endur aum keterubah gempung parti Pakatan Harapan diatur pengudah Pengawa Bepilih Besai ke-14 (PRU14) kena Mei 9.

Berebak enggau nya, Sekretari Besai PKR Datuk Saifuddin Nasution Ismail maahka media patut beratika elemen nya ke beguna amat kelebih agi nyadi medium ‘check and balance’.

“Sebarang komitmen enggau pekara baru ti dipadahka kitai ngagai rayat, kitai dekaka rayat meda pekara nya dipejalaika ila.

“Dalam sesebuah menua ke diuan mayuh bengka pupu bansa, institusi media ke bisi tanggungpengawa meseti dipeda nyadi komponen ke beguna lalu aku pechaya Pakatan Harapan komited enggau prinsip nya,” ku iya. — DayakDaily