Mahathir nesau baum numbuhka kabinet sehari tu

Tun Dr Mahathir Mohamad

KUALA LUMPUR, Mei 11: Menteri besai baru, Tun Dr Mahathir Mohamad deka nyadi chairman aum Kaunsil Presiden Pakatan Harapan ti keterubah sehari tu pengudah menang ba Pengawa Bepilih Besai ke-14 (PRU14).

Aum nya ku iya, deka numbuhka Kabinet Perintah Besai pengudah ngangkat sumpah nyadi Menteri ketujuh malam tadi.

“Pagila hari ke misi tang aku enda ngambi kemisi.

“Taja pan aku Menteri Besai, aku tetap berundingka penemu ari parti komponen,chara deka magi penyampau pangku pengawa menteri entara kami.

“Bisi pekara ke patut digaga kitai lalu bisi patut digaga nengah chara rasmi ti bekaul enggau pemutus polisi.

“Tu meh maya ke kiruh,” ku iya.

Dr Mahathir mujur ngemuntanka kuasa Barisan Nasional (BN) ti udah megai menua tu pengelama enam dekad.

Tun Mahathir keterubah nyadi Menteri Besai ba taun 1981 lalu ngiring menua pengelama 22 taun nyentuk 2003.

Iya ngangkat sumpah ba umur 92 taun ti nyadi Menteri ke pemadu tuai di dunya. — DayakDaily