Mahathir bekunsi hari keterubah iya gawa nyadi Menteri Besai sehari tu

Tun Dr Mahathir Mohamad

KUALA LUMPUR, Mei 11: Menteri Besai Tun Dr Mahathir Mohamad bekunsi tweet hari keterubah iya gaaa nyadi Menteri Malaysia, ti mandangka gambar iya baum enggau bala ketuai Pakatan Harapan (PH).

Aum nya digulu Presiden PKR Datuk Seri Dr Wan Azizah Wan Ismail, Sekretari Besai DAP Lim Guan Eng, Presiden Amanah Mohamad Sabu enggau Sekretari Besai PH Datuk Saifuddin Abdullah.

Dalam tweet iya disi ditulis kapsyen “First day on the job..once again ”, Dr Mahathir mandangka note tulis jari iya sentang pekara ti deka dikerandau ba aum nya ti diatur ba Yayasan Albukhary sehari tu tadi.

Bela diupload iya nya dua iti gambar aum media Dr Mahathir di bangunan ke sama, sebedau iya bekejau besembiang Hari Lima ba Masjid Negara ke enda jauh ari nya.

Mahathir, 92, ngangkat sumpah nyadi Menteri Besai ketujuh di Istana Negara malam tadi.


Iya nyadi Menteri Besai ke pemadu tuai di dunya.

PH, ti bechairmanka Dr Mahathir, numbuhka Perintah Besai pengudah menang ba Pengawa Bepilih Besai Ke-14 Mei 9 tu tadi. — DayakDaily