KUALA LUMPUR, Mac 22: Menteri Pelajar Datuk Seri Mahdzir Khalid madahka perintah agi milih bagi nembiak ari raban ruang bilik ke bepenatai pemisi mit (B40) diterima tama ngagai sekula bemalam penuh.
Iya nyakal penemu Tun Dr Mahathir Mohamad kemari ti madah batang tuju perintah nyendiaka sekula bemalam penuh lari ari batang tuju nya sereta enda berat agi ke bantu ngagai anak raban orang seranta.
“Perintah agi milih nembiak ari tuang bilik B40 di pasar enggau menua pesisir enggau pinta pas ba pelajar ngambika sida ulih diterima ngaga sekula bemalam penuh,” ku iya lebuh ke nutup jurai ba jaku ti disebut Yang di-Pertuan Agong ngarika opis menteriani iya ba aum Dewan Rakyat, kemari.
Sentang penanggul ulah jai nembiak ba sekula, Mahdzir madahka sida udah ngaga bemacham singkang nyengkaum bejalaika ‘Pentaksiran Berasaskan Sekolah’ dikena ngelala prestasi nembiak ukai aja ari sukut akademik tang aspek bukai baka ulah diri.
“Sekula enggau PIBG mega patut ngaga kerejasama enggau polis nyadi raban matau dikena mutarka penanghul ke ngereja penyalah nya,” ku iya. — DayakDaily
