KM ngamatka Mawan bisi minta nyadi kaban PBB ba taun 2016

Chief Minister Datuk Patinggi Abang Johari Tun Openg

MIRI, Mac 22: Kepala Menteri ke mega Presiden Parti Pesaka Bumiputera Bersatu (PBB) Datuk Patinggi Abang Johari Tun Openg kemari ngamatka MP Saratok Tan Sri William Mawan Ikom kala minta nyadi kaban parti nya ba taun 2016.

Abang Johari madahka iya bisi nyempulang Mawan betemu enggau ex-Kepala Menteri Niang Pehin Sri Adenan Satem lebuh nyuaka pom peminta iya.

Iya madah munyi nya lebuh dikerandau pengudah Bejadika Seminar Ummah 2018 di Dewan Suarah Miri ditu, Mawan semina mantaika pekara nya baka ke bisi dibantaika dalam surat.

Ditanya sentang penuduk Mawan dalam rintai parti, Abang Johari semina madah “bisi meh”.

Mawan empai lama madahka diri diatu nyadi kaban PBB, ti lalau madamka spekulasi sentang parti komponen BN ke deka dipasuk iya.


Pekara nya dibantaka entara sehari pengudah Abang Johari madahka BN nadai nudukka chalun terus ba Pengawa Bepilih Besai Ke-14 (PRU14) ila. — DayakDaily