Najib meretika penanggul ditapi pengereja pengawa perintah

Cash. — DayakDaily.com file pic.// Photo: Pixabay

KUCHING, April 5: Menteri Besai Datuk Seri Najib Tun Razak nemu penanggul ditapi pengereja pengawa perintah, nya kebuah iya mantaika berita manah ngagai 1.6 juta pengereja pengawa perintah maya ‘Majlis Amanat Perdana Perkhidmatan Awam’ Ke-16 kemari, pia ku penganalisis politik enggau lecturer Universiti Malaya, Profesor Madya Dr Awang Azman Awang Pawi.

Ku iya, pemutus perintah meri peniki gaji sama enggau siti peniki gaji ninting taun nguna belanja RM 1.46 bilion berengkah Julai 1, kelai pengaga ati ngagai pengereja pengawa perintah nuju proses ngemujurka pemansang enggau agenda tranformasi menua ngemodenka sektor kereja perintah.

Ba awak ke sama pekara ke dibantaika nya endang lama udah dianti laban nya siti ari chara ngintu pengelantang pendiau lalu atur ngemandakka ‘time based’ ngagai raban bejalaika pengawa, meri segigi tangga gaji nyentuk ngagai pekara pengerai raban ke udah pinchin.

Ba awak ke sama, pengawa numbuhka gred DG56 meri empas positif ngagai raban pengajar ke mantu ngemansangka menua tu.

Ku iya, pekara tu patut dikerembai ngagai raban akademik universiti laban mayuh ke ngembuan PhD ke udah lama mangku gred 53/54, nyentuk ke bisi ngelui 15 taun. — DayakDaily