Muhyiddin nyambut manah pemutus BN S’wak pansut ari BN Pusat

Tan Sri Muhyiddin Yassin. (photo sourced from https://www.facebook.com/ts.muhyiddin/)

KUALA LUMPUR, Jun 13: Presiden Parti Pribumi Bersatu Malaysia, Tan Sri Muhyiddin Yassin nyambut manah pemutus Barisan Nasional Sarawak pansut ari Barisan Nasional Pusat.

Iya ke mega Menteri Dalam Negeri madah dalam siti penerang media madah, “Aku nyambut manah pemutus Parti Pesaka Bumiputera Bersatu Sarawak (PBB), Parti Sa’ati Rakyat Sarawak (SUPP), Parti Rakyat Sarawak (PRS) enggau Parti Progressif Demokratik (PDP) ke udah ngaga pemutus pansut ari Barisan Nasional (BN) sereta numbuhka Gabungan Parti Sarawak (GPS).”

Tambah Muhyiddin, “aku ngelaluka penyendia GPS bekerejasama enggau Perintah Besai ketegal deka ngintu pekara ke berat ba renggat nasional sereta hak-hak negeri bepelasarka Konstitusyen Perintah Besai enggau Sempekat Malaysia.

“Pemutus th dikearap ulih nempa pemereti ati sereta kerjasama ke manah agi entara Perintah Besai ti betuaika Pakatan Harapan enggau Perintah Negeri Sarawak lebuh bejalaika polisiperintah enggau program pemansang di negeri Sarawak ti tau meri pemaik ngagai rayat,” ku iya.

“Aku perchaya, nengah semangat Malaysia Baru, pemutus keempat-keempat parti nya deka ngerintis jalai nuju numbuka Malaysia ti manah agj seriris enggau juluk semua rayat Malaysia baka ke nyadi maya Pengawa Bepilihan Besai ke-14 tu tadi,” ku iya. — DayakDaily